Pepar og Gulrot

Bli med den unge heksa Pepar og katten hennar Gulrot ut på eventyr! Gjennom korte forteljingar følgjer vi Pepar og Gulrot sine liv i ei magisk verd der dei må handtere eliksirkonkurransar, snobbete rivalar, mislykka bursdagsfestar, og ein kvardag omringa av magiske vesen.

Serieskapar David Revoy har skapt eit lunt og varmt univers i studio Ghibli si ånd. Serien er opphavleg ein webcomic, og prosjektet er finansiert av lesarar frå heile verda. No kjem den endeleg i fysisk utgåve på nynorsk!