Overtrykk 2021

Overtrykk er den årlege teikneserieantologien frå Überpress. Sidan 2012 har Überpress gjeve ut 16 teikneserieantologiar med norske talent, med hovudvekt på det Jon Bing og Tor Åge Bringsværd kalla fabelprosa. Det er litteratur som inviterer lesaren inn i eventyr, skrekk, fascinasjon og leseglede, noko dei to forfattarane sjølv prøvde å gjera gjennom dei mange bøkene og tv-seriane sine.

I alle historiene i Overtrykk 2021 søkjer nokon etter noko, anten kjærleik, karriere eller gull og rikdom. Dei finn alle noko til slutt.

Bidragsytarane har ulike bakgrunnar og driv med alt frå dataspel til illustrasjon. Dei er: Lars Helgemo (f. 1989) Oliver Levang (f. 1992) Stine Thomassen/Vinter (f. 1992) Ørjan Aarvik (f. 1991) Isabell Martinsen (f. 1991) Maya Øvrebø (f. 1974) Maria Steffensen (f. 1996) Petter Faustino (f. 1989)